YANGI O‘ZBEKISTONDA TURIZMNI RIVOJLANTIRISHDA MARKAZIY OSIYO XALQLARI MILLIY TAOMLARINI O‘RNI HAQIDA BA’ZI MULOHAZALAR

Abstract

Markaziy Osiyo deganda, Sovet Ittifoqi parchalangandan keyin mustaqillikka erishgan beshta Respublika: Qirgʻiziston, Qozogʻiston, Tojikiston, Turkmaniston va Oʻzbekiston nazarda tutiladi. Markaziy Osiyo davlatlari aholisi isteʼmol qilayotgan xilma-xil taomlar asrlar davomida shakllanib kelgan. Milliy taomlar koʻp asrlik tarixga ega boʻlib, ularni tayyorlashda azaldan turli xil goʻsht va oʻsimlik mahsulotlaridan keng foydalanilgan. Hudud xalqlari kundalik ovqat sifatida bugʻdoy, arpa, guruch, noʻxat, mosh, zigʻir va kunjut kabi don, sabzi, piyoz, sholgʻom singari sabzavotlar, kadi (oshqovoq), qovun va tarvuz kabi poliz mahsulotlarini koʻp isteʼmol qilganlar. Azaldan milliy taomlarni tayyorlash uchun chorva – qoʻy, qoramol va echki goʻshti hamda yogʻlari, kunjut, zigʻir, sariyogʻ va paxta yogʻi ishlatilib kelinadi. Ushbu maqolada turizmni rivojlantirishda Markaziy Osiyo xalqlari uchun umumiy boʻlgan, ammo har bir xalq amaliyotida turlicha tayyorlanadigan taomlar tahlili beriladi.