MOTIVATSION YONDASHUV ASOSIDA TALABALARNING AUDITIV KOMPETENTSIYALARINI TAKOMILLASHTIRISH: XORIJ TAJRIBASI

Аннотация

Mazkur maqolada motivatsion yondashuv asosida talabalarning auditiv kompetentsiyalarini takomillashtirish masalasi yoritilgan. XXI asrda chet tillarini o‘qitish jarayonida kommunikativ kompetentsiyani rivojlantirish muhim ahamiyat kasb etadi. Auditiv kompetentsiya chet tilini o‘rganish jarayonida muhim tarkibiy qism sifatida qaralib, talabalarning eshitish va tushunish ko‘nikmalarini rivojlantirishga yo‘naltirilgan strategiyalar tahlil qilinadi. Xorijiy tajribaga asoslanib, individualizatsiya, kontekstga asoslangan o‘qitish, interfaol mashg‘ulotlar, texnologik vositalardan foydalanish kabi yondashuvlarning samaradorligi o‘rganiladi. J. Richardsning mikroko‘nikmalar tasnifi asosida auditiv kompetentsiyalarni rivojlantirishning ilmiy metodlari muhokama qilinadi. Tadqiqot natijalari chet tili ta’limida innovatsion yondashuvlarni qo‘llash imkoniyatlarini ochib beradi.